Quelle solution pour traitement des déchets ?
(A redazzioni d'Alta Frequenza) - Duranti a so ultima sissioni nanzi à i vacanzi d'istati, u Cunsighju Dipartimintali di Corsica Suprana hà accoltu u prifettu di Corsica Suprana, Alain Thirion, pà fà u bilanciu di i servizi di u Statu pà u 2014. Un'uccasioni pà i cunsighjeri dipartimintali di pona dumandi numarosi, è soprattuttu annant'à u cartulari bullenti di u trattamentu di i rumenzuli. Ssu vennari, in fatti, u tempu di presa in carica accittatu da a cumuna di i Prunelli di Fium'Orbu in u so ruminzulaghju si devi compia, è pari chì l'urghjenza sighi trattata cù una brama abbastanza rilativa. In fatti, sicondu u prifettu di Corsica Suprana, i suluzioni pruvisorii prima d'avè certitudini annant'à u centru di scumpartimentu meccanicu è biologicu di Tallone durarani pocu impremi l'uzzioni scelta trà a missa in ballu di u cascionu è u trasportu in cuntinenti di i balli di rumenzuli. È c'hè una gattiva nutizia pà i cumuni di i Prunelli, Vighjanellu è Vicu, duvaria essa torna dumandatu à quissi quì di fà un sforzu u tempu di metta in ballu a suluzioni pruvisoria.
Steti à senta à Alain Thirion.
Sur le même sujet
