Quelle nouvelle donne politique pour la Corse ?
(A redazzioni d'Alta Frequenza) - Cosa sarà u novu paisaghju puliticu pà a Corsica dopu à u cambiamentu di guvernu è u risultatu di l’alizzioni municipali ? Ni saparemi di più ssu dopu meziornu (luni) dopu à u scontru trà Marylise Lebranchu, a ministra cunfirmata di a dicintralisazioni, di a riforma di u Statu è di a funzioni publica è l’eletti corsi. Dopu à a scunfitta di i municipali, in Corsica com’è in altrò, u guvernu Ayrault hè cascatu è Manuel Valls, cunsidaratu da parechji parsoni com’è liberali, s’hè stallatu in Matignon. A Corsica ùn hè micca u centru di u mondu ma di pettu à u ritornu di a diritta ind’i pulitichi lucali è naziunali, ci pudaria essa calchì cambiamentu ind’i raporti trà Parighji è a Corsica. Un asempiu, Marylise Lebranchu, ind’u quadru di u gruppu di travaghju annant’à a riforma istituziunali era avvezza à scuntrà Emile Zuccarelli è Simon Renucci com’è merri di i cità i più maiò di Corsica. Oghji, l’unori di i saloni di u Grand Hôtel sarani attribuiti à Gilles Simeoni è Laurent Marcangeli. Si tratta daveru di un cambiamentu, à u nivellu di a Corsica ?
Steti à senta u parè d’Edmond Simeoni, chì ci accumpagna tutta a sittimana ind’a nostra emissioni di 7 ori è 45 a mani, U Sguardu.
Sur le même sujet
