Quatorzième Noël pour Corsica Colis
(A redazzioni d'Alta Frequenza) - Pà i festi di fin d'annata, pà tutti quilli chì poni, unu o ancu parechi belli ripasti, cù prudutti freschi è varii, sò prisenti. Forsa di più in Corsica cà in altrò, sò missi in avanti pà iss'uccasioni i prudutti lucali. Prudutti difficiuli à truvà quandu omu si trova in cuntinenti o à u stragneru. È ghjustu appuntu, avvicinà i corsi, pocu imprema u so locu, di i prudutti di a so terra, hè unu di i scopi di Corsica Colis. Iss'intrapresa bastiaccia, diretta da Philippe Pomonti, t'hà numarosi dumandi pà u so quatordicesimu Natali dopu à a so criazioni in u 1999. In magazenu com'è nant'à corsica-colis.com, una scelta larga di prudutti hè pruposta pà cunvena à u più clienti pussibuli chì poni rializà u so pacchettu com'elli a volini.
On écoute Philippe Pomonti.
