Quarante-septième rentrée pour l'IRA de Bastia avant une nouvelle réforme
In fin’di sittimana passata, u Stitutu Righjunali d’Amministrazioni di Bastia hà fattu a so 47esima riintruta.
Issa prumuzioni hè classica in a so cumpusizioni : i dui terzi sò donni, è si contani novi corsi trà i 79 elevi prisenti sinu à marzu.
Iss’elevi, chì a so strada i duvaria purtà à travaddà in a funzioni publica, ch’idda sichi in i finanzi publichi o in l’aducazioni naziunali, s’ani da impignà quist’annu in parichji azzioni da ramintà l’uttanta anni lla libarazioni lla Corsica.
L’IRA di Bastia, chì hè quiddu di tuttu u Meziornu à Liventi lla francia, si hà da pittughjà à una riforma nova, quattru anni dopu à quidda llu 2019. Di fatti, si hà da vultà à una prumuzioni unica à l’annu : 115 elevi sò privisti pà a prumuzioni di marzu llu 2024, è 192 in u 2025. Ùn si n’hè mai vistu tantu, in Bastia.
Issa crescita ci hè chì ci voli à rimpattà una bedda parti di i baby boomers chì ani da piddà a so ritirata in l’anni à vena. Eppuri, hè calatu u numaru di i candidati à u cuncursu d’intruta à l’IRA.
Steti à senta à Gérard Clerissi, u dirittori di l’IRA di Bastia.
