Qualitair Corse lance l'indice pollen
U dui d’aprili, Qualitair Corsica hà missu in anda l’indici d’amacu, un arnesu di gran’primura pà i parsoni allergichi.
Sviluppatu in cullaburazioni cù l’associ validati pà a surviglianza di a qualità di l’aria è cuurdinatu da Atmo france, iss’indici arreca privisioni cutidiani pà a purzioni di l’amacu in l’aria à liveddu cumunali, pà u ghjornu stessu, u lindumani è u ghjornu dopu.
U calculu di l’indici s’arremba à una mudillisazioni pricisa chì si ghjova di i dati meteurulogichi è di i infurmazioni purtati da a piattaforma Copernicus.
Pidda in contu sei variità d’amacu chì sò monda allergenichi : a imbrusia, l’alzu, l’artimisia, u biolu, l’arbi spighini è l’alivi.
Da fà si meddu à i spicificità lucali, Qualitair Corsica ci hà aghjuntu cinqui variità in più. Quissi sò classificati in a catiguria « amachi altri » : ci si trovani u castagnu, a liccia, i cipressi, u frassu è a nuciola.
Sur le même sujet
