Protocole de sortie de conflit à l’hôpital de Bonifacio, demande de mutation du directeur
(A redazzioni d'Alta Frequenza) - Hè statu signatu un protocollu pà pudè escia da u cunflittu à l'uspidali di Bunifaziu, induva u muvimentu era natu ghjovi cù u STC, chì dumandava ch'ellu si n'andessi u direttori. Ssu vennari, c'hè stata una riunioni in Aiacciu trà l'Agenza Regiunali di a Saluta è una dilegazioni sindicali. Tinsioni accumpulati chì sò stremi, sicondu l'ARS in u so cumunicatu, pà quali "ssa situazioni, s'ella cuntinueghja, pudaria rimetta in causa u funziunamentu bonu di l'uspidali è a qualità di a presa in carica di i pazienti è pudaria inghjinnà blucchimi assai pessimi pà u stabilimentu". Faci chì u direttori di u stabilimentu hà dumandatu à l'ARS d'essa missu in vacanzi è hà cunfirmatu a so dumanda pà pudè cambià di funzioni u più prestu pussibuli.
Sur le même sujet
