Propos discriminatoires du DR des Finances Publiques : FO demande son départ !
(A ridazzioni d'Alta Frequenza) - FO Finanzi Publichi 2A dumanda a partenza llu Dirittori Righjunali lli Finanzi Publichi, dopu à i parolli ditti da iddu mentri a visita di u ministru Olivier Dussopt, issu 26 di Marzu. U Dirittori Righjunali avaria distintu è bè l’agenti corsi da quidd’altri, è ancu peghju, avaria dittu iss’affari : « Sighiti assicuratu, o Sgiò Ministru, chì in u quadru llu cuntrollu fiscali, sciddimu solamenti i corsi, micca i frusteri, nè menu i cuntinintali ». Cosi da ùn senta à veru, discriminatoghji è razzisti pà l’urganisazioni sindicali, chì dumanda chjara è netta a partenza d’issu Dirittori. In u stessu filu, Jean-Guy Talamoni, u Prisidenti di l’Assemblea di Corsica, hà scrittu à Edouard Philippe da dumandà li spiicazioni è, casu mai, scusi publichi. Da a so parti, FO dici d’ùn vulè più pusà à torru à issu dirittori, nè mancu travaddà cun iddu. A Dirizzioni, par contu soiu, tocca à u teleffunu, teni à sbuciardà issi parolli.
Si stà à senta à Matthieu Caillaud pà FO Finanzi Publichi
Sur le même sujet
