Promotion sur l'essence par Total : le dépôt pétrolier de Lucciana bloqué par le syndicat des distributeurs de carburant de Haute-Corse
Dipoi luni matina, u sindicatu lli distributori di carburanti llu Cismonti blocca u dipositu pitrulieri di Lucciana. À parichji camiò à rimorca, d’altrondi, l’hè tuccata à vultà si ni in daretu.
Hè missa in causa cù iss’azzioni a calata di i prezza di 10 centimi à litru in ugni locu in francia, pruposta par trè mesa da Totalénergies, à parta si da luni. L’azzioni vali dinò pà i stazioni corsi d’issu distributori, chì poni ancu calà di più u prezzu s’iddi a si sentini.
U sindicatu lli distributori di Carburanti dici ch’idda hè un’azzioni pridaghja, ùn neci par stallà un munupolu à nantu à a distribuzioni.
U sindicatu spieca ch’iddu ùn ani i meza, i so adirenti, di metta si à paru à issa calata, chì a maior’parti ùn hà azziunariu putenti com’è Total, da pudè si permetta un’azzioni cumpagna.
Steti à senta à Serge Antoniotti, u prisidenti llu sindicatu.
