Projet Millener: le rôle de SOLECO
(A redazzioni d'Alta Frequenza) - Si parla torna di u prughjettu Millener, Milli Stallazioni di gistioni energetica inde l'isuli, prisintatu da EDF Corsica. U scopu di u dispusitivu hè di pruducia è tena a so elettricità, cunsumendu la dopu di manera eculogica. Sustinutu da a Cullettività Tarrituriali di Corsica, l'Unioni Aurupea è l'ADEME, ssu prughjettu hè missu in ballu in dui altri isuli, a Riunioni è a Guadaluppa. Novu è sperimentali, ss’ultimu s'hè materializatu prima da a stallazioni calchì mesi fà di Box in 300 casi corsi. À partasi d'oghji, quissu quì principia a scelta di i 100 casi chì si scrivini ind’a tappa nova di u prughjettu. I parsoni chì ani fattu ssa scelta avarani investitu ind'a stallazioni di panelli fotovoltaichi, prima d'uttenna un'antra stallazioni, quì di gratisi, di battarii pà allucà l'energia. SOLECO, intrapresa corsa spicializata inde l'energia di soli di più di trenta anni, faci parti di ssu prughjettu. Di chì manera intarveni esattamenti ?
Hè a dumanda ch'emi vulsutu pona à Sébastien Alfonsi, u so direttori.
