Le Direct

Processus politique corse : prudence et espoir pour Femu a Corsica

« Pinsemu senza niscintria chì dopu à un mezu seculu di lutta, à un dicenniu di vittorii alitturali ripituti è amplificati, dopu à un annu di rivolta pupulara lighjittima dopu à l’agrissioni d’Yvan Colonna, i chjassi di u spirà s’aprini infini pà u nosciu paesu ».

Mentri a so cunfarenza di stampa di marcuri, Femu a Corsica hà datu a so analisi, dopu à a ripresa di i discursati cù parigi.

U muvimentu pensa chì a porta si hè aparta in cantaronu, è ch’iddu ci voli oramai à travaddà da sbalasgià la, da ghjunghja ni à una vera suluzioni pulitica pà a Corsica.

In quant’à u statutu d’autunumia à vena, pensa Femu a Corsica ch’iddu devi vena da u fattu maiuritariu isciutu da l’urni, ma ancu da una cuncirtazioni cù l’altri forzi naziunalisti, po’ cù tutti i forzi pulitichi, sindicali, culturali è assuciativi.

Steti à senta à Romain Colonna, cunsiglieri tarrituriali di Femu a Corsica.