Processus de Beauvau et répression: Chì femu ? La question de Véronique Pietri à l'Exécutif
Sò parichji sittimani ad avali ch’iddi s’avviani prucessi liati à i manifistazioni pupulari iniziati dopu à l’assassiniu d’Yvan Colonna in prighjoni d’Arles, di marzu llu 2022.
Tanti ghjovani corsi, militanti o simpatisanti naziunalisti, sò passati in tribunali currizziunali, in Bastia. È ad ugni volta, u tribunali si hè missu in situazioni di cundannà.
Eccu ciò ch’idda dinunciò in a so quistioni urali Véronique Pietri.
L’eletta di Cori in Fronti hà quistiunatu u prisidenti di l’esecutivu, da sapè ciò ch’iddu cuntaia fà par fà seguitu à issi troppu numarosi è duri cundanni.« Seti prontu à purtà davanti à u ministru francesu di l’internu, cù tutti i forzi patriottichi è l’urganisazioni antiriprissivi, issa quistioni di a riprissioni, di i prighjuneri è anziani prighjuneri pulitichi, chì ùn si pò spiccà di u principiu di suluzioni pulitica, postu storicamenti ? ».
Steti à senta à Véronique Pietri.
Hà dittu in risposta, Gilles Simeoni, ch’issa chistioni facia parti di i priurità cumuni.
U prisidenti di l’esecutivu hà dichjaratu ch’iddu cuntinuvaria à purtà issa chistioni in parigi, chì faci intigralmenti parti di u raportu pà l’autunumia vutatu da l’assemblea.
Steti lu à senta.
Sur le même sujet
