Procès de l'assassinat de Richard Casanova : quinze ans de réclusion criminelle demandés contre Claude Chossat pour sa seule complicité
Oghji, era un mumentu impurtanti in corti d’assisi d’Ecchisi : in u prucessu pà l’assassiniu di Richard Casanova, Pierre Cortès, l’avucatu ginirali, hà fattu u so richisitoriu.
Par ciò chì tocca à Claude Chossat, dici l’avucatu ginirali chì l’elementi ughjittivi di u cartulari musciariani ch’idd’ùn hà tiratu iddu. St’elementi, inveci, insignariani piuttostu à Francis Mariani, ch’era tandu in cumpagnia di Claude Chossat. Ci saria dunqua par iddu u binifiziu llu dubbitu, par ciò chì tocca à l’assassiniu iddu stessu. Ma, par l’avucatu ginirali sempri, a cumplicità di Claude Chossat è a primiditazioni di l’assassiniu sò accirtati da elementi llu cartulari, ed hè par quissa ch’idd’hà dumandatu quindici anni di prighjoni contru ad iddu.
In quant’à David Taddei, accusatu di cumplicità pà a furnitura di l’armi, dici l’avucatu ginirali chì issa cumplicità hè bedda cunfirmata da ciò ch’iddu si trova in lu cartulari. Pierre Cortès hà dunqua dumandatu cinqui à sei anni di prighjoni contru ad iddu.
A difesa lli dui parsoni hà da cumincià à pieta, innanzi ch’iddu si ritirghi u ghjuratu. A sintenza duvaria cascà dumani in fin’di ghjurnata.
