Problème des déchets : peut-être une issue lundi
(A redazzioni d'Alta Frequenza) - Prublematica di i rumenzuli : podassi a fini di i guai luni chì veni, dopu un'assemblea generali nova di u SYVADEC. Un accordu saria vicinu di una furmalisazioni, ma u cullittivu Ambiente di u Pumonte aspetta ssa data quì cun impazienza. D'altrondi, urganizeghja oghji in Saone una manifistazioni maiò chì hà da aduniscia tutti quilli, è sò numarosi, chì s'upponini à l'allarghera di u centru d'intarru di i rumenzuli di Vicu. U cullittivu ferma propiu attenti di pettu à l'abbandonu di a custruzzioni di un sicondu fossu chì parmittaria di fà crescia propiu a capacità di u centru. L'accordu chì prividaria ss'abbandonu quì pudaria essa prisintatu in principiu di simana dopu una riunioni nova di u SYVADEC. Comu s'hà da passà l'affari da un puntu di vista amministrativu ?
Steti à senta à Brigitte Artily pà u cullittivu Ambiente di u Pumonte.
