Prix des carburants : le conseil exécutif de Corse demande au gouvernement deux mesures immédiates pour stopper la hausse
L’ani vista bè i corsi sò parichji sittimani chì i prezza llu masuttu è di a benzina coddani quant’è u dollaru : u litru di a benzina hè à 1€90 in a maior’parti lla Corsica, è in certi loca codda ancu à 1€94.
Parvia d’issa situazioni, u Cunsigliu Esecutivu lla Corsica hà mandatu un currieri à u primu ministru, da sullicità una intarvinzioni rapida à nantu à u prezzu lli carburanti.
A prima pruposta hè a missa in anda d’una misura di blucchimu lli prezza, via un dicretu è par sei mesa.
Duvaria viaghjà pà u furnimentu è a missa in pruvista, postu ch’iddu ci hè chivi un munupolu, idintificatu da l’Auturità lla Cuncurrenza in u so raportu llu 17 di nuvembri llu 2020.
A siconda pruposta hè a maiurazioni pà a Corsica di a indinnità d’inflazioni, ma ancu d’ugni misura chì pudaria essa presa à liveddu naziunali in u quadru lla crescita lli prezza attuali. L’affari si pudaria fà piddendu u scartu trà u prezzu mediu à a pompa in francia è u prezzu mediu in Corsica.
U Cunsigliu Esecutivu lla Corsica dici ch’iddu aspetta una risposta senz’altru.
