Prise de parole de Gilles Simeoni : vives réactions de l'opposition
Dopu à a cunfarenza data da u prisidenti di l’esecutivu lla Corsica, u prisidenti è u guvernu francesu si sò buschi uni pochi d’avucati, in Corsica.
Jean-Martin Mondoloni, di u gruppu « Per l’Avvene » dici ch’idda ci hè una pustura chì piatta a impustura. U so scopu puliticu – riisciutu midiaticamenti – hè di piattà u fiascu di l’esecutivu. Rumenzuli, cartulari marittimu, auturità lla cuncurrenza. Eccu chivi cumpitenzi lla CdC chì a maiurità ùn sà arrigulà li chì sò cinqui anni. Attimpatoghji, vittimisazioni, è divirsioni sò duvintati l’assi strategichi lla maiurità tarrituriali ».
Pà « Andà per Dumane », u gruppu di Jean-Charles Orsucci, portavoci in corsica lla maiurità prisidinziali francesa « u riturneddu lla rispunsabilità hè cunnisciutu è frustu, è l’evucazioni, mascarata à pena, di vii non dimucratichi – mai intesa dipoi u 2015 - impinsirisci à veru. U discorsu marziali à visu « trumpistu » ùn a li faci à piattà u fiascu di i naziunalisti à u puteri, qual’ch’iddu sichi u sughjettu ».
« Andà per Dumane » dumanda à u Cunsigliu Esecutivu lla Corsica di metta si à veru à u travaddu, chì tutti issi cartulari ancu à trattà dannani u cutidianu di i nosci cuncitadini chì sò anni è anni. Innanzi di vulè fà nazioni, ci voli à sapè fà gistioni ».
Infini, ancu puri ùn issendu ci à l’assemblea, si faci senta ancu Jean Zuccarelli. Par iddu, « i parolli di Gilles Simeoni contru à u statu sò minacci ch’ùn si poni accittà. Puri issendu ambigui, ùn a li facini à piattà un sensu beddu chjaru, à veda ni u passatu mintuvatu ».
