Pression foncière et spéculation immobilière en Corse : on s'en occupe
(A redazzioni d'Alta Frequenza) - Emmanuelle Cosse, a ministra di l'alloghju, hè in visita in Corsica ssu luni. Ssa visita hè principiata stamani in Aiacciu è si cumpiarà in fin di dopu meziornu in Bastia. "Luttà contr'à a prissioni fundaria è a speculazioni immubiliari in Corsica" : era u tema di a prima riunioni in a Cità imperiali, incù l'eletti, ma senza a stampa. In un sicondu tempu, un protocollu d'accordu pà a cuurdinazioni di l'azzioni di u Statu è di a CTC, pà l'accunciamentu durevuli di l'isula, hè statu signatu. Avvicinà i punti di vista di i cumuni chì mettini in ballu u so PLU, fà chì ssi prughjetti sighini in leia cù u PADDUC, è armunizà tuttu què cù u rispettu siveru di a legi liturali : un eserciziu difficiuli, ci dici Ghjuvan Cristofanu Angelini.
Eccu l'intervista di u presidenti di l'Uffiziu Fundariu di a Corsica.
