Présidentielles : la réaction de Sauveur Gandolfi
(A redazzioni d'Alta Frequenza) - Dopu à a vittoria di François Hollande à l'alizzioni prisidinziali, u Diputatu di Corsica Suprana, Sauveur Gandolfi-Scheit, ci hà fattu passà issu cumunicatu chì suvita : "I citadini francesi ani dicisà di privileghjà l'alternenza, inveci chì i Corsi di modu ghjinirali è l'abitanti di a 1a circuscrizzioni di Corsica Suprana in particulari ani datu cù forza a so cunfidenza à a diritta torna una volta. Voghju ringrazià daveru l'alittori chì scumpartini i nostri cunvizzioni. Li docu appuntamentu pà i legislativi, duva n'emi largamenti i mezi di vincia ind'a me circuscrizzioni. Certi stimavani in fatti appena à lestra chì u votu FN era una sanzioni di a pulitica di u Guvernu : l'affari hè altru, parchì chì a littura di i risultati dimostra ch'elli erani bè voti à diritta. Più cà mai, a Corsica hà da avè bisognu di diputati di sparienza, di prussimità è d'azzioni pà difenda i nostri valori in Parighji. Dipoi u 2007, sò statu issu diputati più cà mai cù u sutegnu di l'abitanti di tutti i tindenzi ch'aghju difesu senza cappià duranti issi 5 ultimi anni, u saraghju torna pà un mandatu novu".
Sur le même sujet
