Présidentielles : la réaction de Paul-Antoine Luciani
(A redazzioni d'Alta Frequenza) - François Hollande - Nicolas Sarkozy - Marine Le Pen : i trè primi, à u nivellu naziunali, di u primu ghjiru di l'alizzioni prisidinziali sò oramai cunnisciuti. S'è l'istituti di sundami aviani anticipatu i dui primi risultati, ùn aviani micca privistu malgradu tuttu a cullata storica di u Front National. Jean-Luc Mélenchon hè quatriesimu. U candidatu di u Front de Gauche hà dighjà chjamatu di modu chjaru à vutà François Hollande à u sicondu ghjiru. I sciffri à u nivellu lucali sò appena sfarenti postu chì Nicolas Sarkozy hè primu in Corsica Suttana. Hè davanti à Marine Le Pen è François Hollande. U Front de Gauche hè suddisfatu abbastanza dinò da u risultatu di i forzi di manca. Sciffri chì incuragiscini pà a vittoria à vena di François Hollande, dici frà altru Paul-Antoine Luciani. Iss'ultimu si dici, inveci, più cà inchietu di pettu à u risultatu di u Front National.
On l’écoute
