Présentation du livre blanc des assises du littoral
(A redazzioni d'Alta Frequenza) - U libru biancu di l'assisi di u liturali hè statu prisintatu stamani (ghjovi) da Maria Giudicelli, cunsighjera esecutiva incaricata di u Padduc è Paul Giacobbi, presidenti di l'Esecutivu. Issu ducumentu, chì hè in fatti a restituzioni di tutta a riflizzioni fatta à l'uccasioni di l'assisi di u liturali, hà da ghjuvà di basa à l'elaburazioni di u Padduc stessu. L'Esecutivu di Corsica ammenta, cù una certa suddisfazioni, ciò ch'ellu chjama "Elementi d'accunsentu", chì parmittariani di pinsà à una "Cucustruzzioni di suluzioni" à u mumentu di l'elaburazioni di u ducumentu finali. U libru biancu manda à caternu a legi liturali attuali, chì pari essa micca abbastanza adattata à i rialità isulani, è ammenta a ricunniscenza di i paisoli tradiziunali. Batti à prò frà altru di un prughjettu di tarritoriu più forti, quillu di a dimensioni participativa, di u postu di a valutazioni ambientali è l'accumpagnamentu tennicu di l'eletti.
Maria Giudicelli, présidente de l'Agence d'Aménagement Durable, de Planification et d'Urbanisme.
Sur le même sujet
