Le Direct

Méridionale : U STC, a CGT è a CFDT ani spostu un avvisu cumunu di greva à parta si da u 21 di

Le Piana de la Méridionale à quai dans le port de Bastia (photo : Julien Pernici)

Hè sinsibuli à veru a situazioni suciali di a Méridionale. U STC, a CGT è a CFDT ani spostu un avvisu cumunu di greva d’un ghornu, à parta si da u 21 di ghjunghju, è chì pudaria essa rinuvatu. L’avvisu curri pà i ligni di a diligazioni di sirviziu publicu, ma dinò par quiddi di Nizza è Tulò.

Dici u cumunicatu llu STC chì issa greva succedi parvia lla stratigia lla dirizzioni lla cumpagnia, par ciò chì tocca à a diligazioni pruvisoria di sirviziu publicu, chì a Méridionale n’hè stata scantata in i porti principali. U STC dici chì issu fiascu, hè a dirizzioni chì n’hè rispunsevuli.

I sindicata dumandani ch’idda ricusi, a cumpagnia, u rigimu d’ublicazioni llu sirviziu publicu. Dumandani l’arrestu lla prucidura lla chjama publica, è supr’à tuttu, dumandani ch’iddu si volti à a cullaburazioni trà a Méridionale è Corsica Linea, da prupona un’ufferta cumuna à i dui cumpagnii.