Pouvoir nationaliste : cinq ans pour changer les choses
(A redazzioni d'Alta Frequenza) - I Ghjurnati Internaziunali di Corti 2016, i primi dipoi a ghjunta à i rispunsabilità di i naziunalisti à l'Assemblea di Corsica di dicembri scorsu, si sò tinuti dunqua ssa dumenicata. Urganizati da Corsica Libera pà lochi propiu simbolichi, quilli di a citadella di Corti, ssi ghjurnati ani vistu torna dilegazioni internaziunali numarosi participà à ssa messa pulitica di prima trinca. Riprissioni sindicali è pulitica, ma dinò prughjettu d'Auropa di i populi erani in u prugramma. Ma u tempu forti di ssi Ghjurnati, com'è sempri, era custituitu da u dibattitu nant'à a situazioni di a Corsica, intitulatu "Guvernu corsu : custruimu a Nazione", cù à a tribuna una parti impurtantissima di l'Esecutivu di Corsica è u presidenti di l'Assemblea di Corsica. Corsica Libera hà tinutu dopu u so tradiziunali meeting di chjusura, cù un missaghju d'unioni è di lotta davanti à più di milli parsoni. Cinqui anni ! Hè u scopu di u presidenti di l'Assemblea di Corsica da fà chì a maghjurità tarrituriali pudissi fà sbuccà tuttu i so prughjetti, ciò chì dumanda dunqua d'essa torna eletti di dicembri di u 2017, à a vigilia di a nascita di a Cullittività unica.
Steti à senta à Ghjuvan Guidu Talamoni.
