Poursuite des opérations sur l'incendie de Vignale
(A redazzioni d'Alta Frequenza) - L'uparazioni cuntinueghjani in Vignale, ind'a valli di u Golu, duva un focu chì hè partutu eri (marti) in fin di matinata hà distruttu 94 ettari di vegetazioni. Parechji mezi umani, spignifochi, pumpieri di furesta è militari sò sempri sopralocu ssu marcuri. Dui elicotteri PUMA è dui altri chì lampani acqua bulani pà ssi lochi. U travaghju hè rializatu soprattuttu nant'à u trattamentu di i bordi. U focu pudaria essa spintu da quì à pocu.
Sur le même sujet
