Porto-Vecchio : un réseau de cambrioleurs et de receleurs interpellé
Photo : Gendarmerie de Corse
A ciandarmaria lla Corsica è u pracuratori lla ripublica d’Aiacciu ani fattu sapè ch’iddi erani stati intarpillati parsoni ch’aviani fattu abboti in i circonda di Portivechju.
Dici issu cumunicatu chì annu, u sei di dicembri, un omu hè statu intarpillatu à mutivu di piattera d’ugetti arrubbati in parichji abbotti, è piattera di vittura arrubbata.
Via i parquisizioni, sò stati trovi parichji ugetti, robba d’abbotti è arrubbeghji, colti in i circonda di Portivechju è Leci in u 2022 è in l’ultima trimisata di u 2023.
Sei parsoni sò stati intarpillati di frivaghju llu 2024. Iss’intarpillazioni ani pirmissu di fà la finita cù una reti urganizata d’abbuttadori è i so complici, in i circonda bastiacci è portivichjacci.
I ricirchi fatti da i ciandarmi di Portivechju ani pirmissu di ritruvà è renda à i so prupriitarii più di 110 ugetti (ghjuveddi, robba multimedia, panni…) : 75 d’issi cosi sò stati arrubbati à una stessa parsona.
Quindici abbotti di risidenzi principali o sicundarii, arrubbeghji aggravati di trè vitturi è di dui mila litra di carburanti d’un camiò è un carru staziunati in Portivechju, mentri l’ultima trimisata llu 2023, sò stati risolti da i inchiistadori.
Sei parsoni sò stati prisintati à u pracuratori lla ripublica d’Aiacciu. Dui di quissi, in prighjoni dighjà, sò mantinuti in ditinzioni. I quattru altri sò missi suttu à cuntrollu ghjudiziariu, intantu d’essa ghjudicati.
Sur le même sujet
