Porto-Vecchio : U Riacquistu pour une politique du vivre ensemble à l'usu corsu
(A redazzioni d'Alta Frequenza) - Calchì ghjornu fà, a cità di Purtivechju firmava cù u prifettu di Corsica un cuntrattu di cità 2015-2020 è una cunvenzioni di prefigurazioni di u prughjettu di rinnovu urbanu d'intaressu regiunali, soprattuttu pà u quartieru Pifanu. Si tratta di rinnuvà u quadru di vita, u parcu d'alloghji suciali o ancu d'accuncià spazii urbani. Pà i naziunalisti di U Riacquistu di Portivechju, chì ramentani chì ssu quartieru si caratterizeghja da una precarisazioni di più in più forti di i so abitanti, quissu quì materializeghja un sviluppu ecunomicu "chì s'arremba solu à l'attività turistica è immubiliari, senza maestria nè urientazioni". Ssu cuntrattu di cità par elli ùn pò micca cambià dunqua di manera prufonda "i rialtà strutturali di a nostra sucità". U Riacquistu batti à prò piuttostu di una pulitica di criazioni d'impieghi è d'equilibriu suciali, cù un postu di primura pà a lingua è a cultura corsa com'è puntellu di u mischju suciali, di l'accessu à l'educazioni è à l'integrazioni di i pupulazioni ditti "d'urighjini immigrata".
Steti à senta à Dumè Tafani pà U Riacquistu di Portivechju.
Sur le même sujet
