Porto-Vecchio : l'Associu I Baroni fait revivre le carnaval
L’undici di frivaghju, Portivechju ritrova u so carnavali, gramazia à l’associu I Baroni, chì Ghjacumu Antonu Robin n’hè u prisidenti.
Issu settimu carnavali faci a so bedda piazza à l’idintità suttanaccia è à una spartera vera, in cori à a cità di u Sali.
Pà i cuncipitori llu prughjettu, sustinuti da a municipalità è da a cumunità di i cumuni, a sfida hè quissa : fà participà ghjenti quant’iddu si pò, da l’urganisazioni sinu à u ghjornu lli fistività.
Dici u merri di Portivechju ch’iss’appuntamentu metti in risaltu u dinamismu lla ghjuvantù è di u sittori assuciativu. Dà dinò a misura d’un arti d’essa insemi, arradicatu in u rughjonu.
Pà iss’undici di frivaghju sò privisti u cursu carnavalescu, a parata di i carri, u visparinu è infini un gran’baddu.
Ma ci sarani ancu, capunanzi, animazioni in i scoli è i mediatecchi.
Steti à senta i pricisioni di Jean-Christophe Angelini, u merri di Portivechju.