Porticcio : un cas de COVID-19 identifié dans un établissement de Porticcio, préfecture et ARS lancent un appel aux participants
Una parsona chì avia participatu à a sirata llu 19 d’austu à « L’Alta Rocca », in Purtichju, hà fattu una virifica RT-PCR chì l’hà signalata pusitiva à u Covid 19.
Quissa, a dicini dui cumunicati : unu fattu da a prifittura, è unu da l’ARS lla Corsica.
A prifittura spieca « ch’issa sirata, l’avia intirditta, è chì iss’intirdizzioni era stata cumunicata à u girenti llu stabilimentu.
A intirdizzioni era stata data chì, cù l’aienti aspittati pà iss’evenimentu, ùn pudiani essa missi in piazza i misuri di a sicurità sanitaria. Masimu chì à issu stabilimentu, li s’era dighjà datu l’ublicu di metta si in cunfurmità cù i reguli sanitarii ».
Dici a prifittura « ch’idda si faci una inchiesta, da stabilì i fatti di manera pricisa, è tirà ni i cunsiquenzi par ciò chì tocca à a rispunsabilità amministrativa è pinali di l’urganisatori lla sirata ».
In quantu à l’ARS, spieca chì « i parsoni chì ani participatu à iss’evenimentu sò invitati à rispittà i misuri di prutizzioni sanitaria cù i soi, masimu cù quiddi chì sò indibbuliti (visiti limitati, mascari par ugni parsona, scartu fisicu…).
È si dumanda à ugni parsona prisenti à issa sirata, è ch’avaria calchì sintumu, di fà una virifica RT-PCR in un lavuratoriu di biulugia midicali ».
Sur le même sujet
