Pompiers d'Ajaccio : le message du président du SDIS 2A
(A redazzioni d'Alta Frequenza) - C'era assai mondu ssu marti da mani sottu à un solu dolci d'inguernu in a corti di u centru di succorsu principali d'Aiacciu. C'era assai mondu pà ciò chì firmarà una bella ghjurnata di sustegnu à i spinghjifochi agressati a notti di Natali. Sustegni ghjunti da Corsica sana da a parti di i spinghjifochi, ma dinò d'altri mistieri liati à a securità, u SAMU par asempiu, ma dinò i cunduttori di bus. Davanti à un publicu custituitu di parsoni di tutti l'upinioni pulitichi, in un silenziu senza inghjulii o pinsati senufobi o razzisti, i spinghjifochi ani presu a parolla di una manera chjara. Nant'à una tribuna stallata à a porta di a caserna, i rispunsevuli maiò d'Aiacciu erani accumpagnati torna da Jean Guy Talamoni, Gilles Simeoni, Laurent Marcangeli, Charles Voglimacci. Ss'ultimu era ben intesu prisenti à a tribuna com'è presidenti di u SDIS di Corsica Suttana. D'appressu à ellu, ciò chì s'hè passatu a notti di Natali in i Jardins de l'Empereur ùn devi più accada, parchì metti in periculu a saluta è a securità di i parsoni pà quali i spinghjifochi intarvenini.
Steti à senta à Charles Voglimacci.
Sur le même sujet
