Pollution aux particules fines en Haute Corse
(A ridazzioni d'Alta Frequenza) - Qualitair Corse faci sapè chì u Cismonti hè toccu da una crescita di i rusgiuleddi suspesi in aria, ch’in gran’parti venini d’Auropa Cintrali.
« Issi rusgiuleddi s’accoddini à quiddi lucali, prudutti da a scaldera citadina, ma dinò da i tanti dibbieri fatti in u dipartimentu ».
Qualitair dumanda dunqua d’ùn brusgià tantu scarti, da circà à cuntena issa pruduzzioni lucali.
Qualitair ramenta dinò chì « in più di u cunfinamentu, s’arricumanda à i parsoni debbuli o sinsibuli d’ùn escia, è d’ùn fà sforzi fisichi », chì « a pulluzioni di l’aria indibbulisci i prutizzioni naturali di i vii rispiratorii, è rendi l’urganismu più sinsibuli à u siscu ».
Sur le même sujet
