Politique économique du gouvernement : suicidaire selon FO 2A
(A redazzioni d'Alta Frequenza) - I riazzioni sò numarosi dipoi u cambiamentu di ministri intarvinutu in principiu di sittimana scorsa. Ramintemi trè cambiamenti maiò : quilli chì cuncernani l'Educazioni naziunali, a Cultura, è l'Ecunumia. Ed hè pà l'ultimu ministeru citatu ch'ellu si senti u più cumenti, cù a numinazioni d'Emmanuel Macron, banchieru d'affari è anzianu Secretariu generali aghjuntu di a presidenza di a Republica pà rimpiazzà à Arnaud Montebourg. Ind'è i sindicati, si senti una scuntintezza forti, è si pensa chì ssa numinazioni cunfirmeghja bè u fattu chì u guvernu vulissi firmà ind'a cuntinuità di a pulitica ecunomica prisintata grazia à u pattu di rispunsabilità. Una ligna pulitica propiu "suicidaria" à ssu nivellu quì pà certi sindicati, cù di più liberalisimu è austerità à a fini d'appressu à elli. Paul Giacomoni, pà Force Ouvrière in Corsica Suttana, hè assai inchietu pà ciò chì tocca a situazioni di a Corsica à ssu pianu quì.
U stemi à senta.
