Policiers blessés à Ajaccio en 2022 : un homme condamné à trois ans de prison en appel
U prucuratori lla ripublica d’Aiacciu hè turratu à parlà di a cundanna in appellu di l’omu ch’avia pruvatu à entra, in a notti llu 22 di ghjunghju, in i lucala di a impresa Luciani, in Aiacciu.
L’omu era statu presu à nantu à u fattu da dui pulizzieri, ch’iddu hà fertu bè quand’iddi sò intarvinuti.
À senta ni u prucuratoi sempri, unu di i pulizzieri s’era troncu a spadda è t’avia uni pochi di pistaturi in capu. In tarra, ferti bè tremendui, i pulizzieri sò stati minacciati di morti, è l’aggrissori hà ancu pruvatu di piddà li un’arma di sirviziu.
A pracura d’Aiacciu avia fattu appellu d’una prima cundanna di dui anni di prighjunia cù mantinimentu in ditinzioni. A camara di l’appelli currizziunali di Bastia l’hà fatta più greva a cundanna, purtendu la à trè anni di prighjunia inveci di dui. Ma hà assoltu l’omu di l’accusa di minaccia à nantu à parsona dipusitaria di l’auturità publica.
