Poésie et prose en langue corse au collège du Stilettu à Ajaccio
Marti, in Aiacciu, l’elevi llu culleghju di u Stilettu ani fattu un cuncursu di littura in lingua corsa.
Una manifistazioni magnifica, ind’iddi si sò mischiati prosa è puisia. L’affari si hè pussutu fà gramazia à l’attelli di littura iniziati da Marie-Paule Taddei.
In a ghjuria - o in u ghjuratu, com’idda vi cunveni ! - c’erani riprisintenti lla CdC, di l’aducazioni naziunali, di a stampa, ma ancu autori.
I cullighjanti ani sceltu u scrittu ch’iddi vuliani sparta. In a valutazioni, c’intriani a qualità di a lingua è di l’intarpritazioni.
Steti à senta à Marie-Paule Taddei, insignanti in lingua corsa è rispunsevuli di l’attellu di littura.
Un altru annu, issi spazia di littura sarani cumplittati da attelli di scrittura. Cusì, si vidi bè chì i novi generazioni sò capaci à impignà si pà a lingua corsa, postu ch’iss’attelli si facini in fora di u tempu scularu, è arrimbendu si à u solu vulintariatu.
Steti à senta à Philippa Santoni, insignanti di lingua corsa in carica d’iss’atteli di scrittura.