Plusieurs nageurs en difficulté dans le Golfe du Valincu
Marcuri, parichji parsoni ch’erani in traccia di natà in u Vaddincu si sò missi in difficultà, parvia di cundizioni meteurulogichi pessimi, cù un beddu marittonu di Nordu à Punenti è marosuli forti in bor’di mari.
A marina ditta di u « Robinson », in Purtiddolu (cumuna di Prupià) era particularmenti cuncirnata.
Via a cuurdinazioni di u CROSS, i Salvadori à Mari di Centru di Salvamentu SNSM di Prupià, aiutati da u patrugliori di surviglianza è salvamentu di u Vaddincu SNS 7-012, sò intarvinuti prestu.
Hè ancu intarvinuta una infirmiera SNSM pà iss’uparazioni.
Fatta fini, sei parsoni – trè issendu ziteddi – sò stati succorsi gramazia à iss’intarvinzioni rapida è efficaci.
