Plusieurs mises à feu en Haute-Corse
(A redazzioni d'Alta Frequenza) - Parechji fochi sò stati arrighjistrati ssu marcuri in Corsica Suprana. Prima à meziornu è quartu, in Calinzana, induva 5 000 m2 di vegetazioni sò stati distrutti ; u focu hè statu ammaistratu da i spignifochi è grazia à l'intarvinzioni di l'avviò chì lampa acqua Morane. Dopu in Erbaghjolu, vinti minuti dopu, cù una superficia parcorsa da i fiari di un ettari è mezu ; mezi umani, appughjati da Canadair è Tracker sò stati mubilizati. In Santu Petru di Tenda, un Canadair hè bastatu pà spinghja versu dui ori è deci un focu di 100 m2. In u Pitrosu, à trè ori menu vinticinqui, 2 000 m2 sò stati distrutti. Infini in Ghisunaccia Gara, un ettari di vegetazioni hè statu brusgiatu appena nanzi à 4 ori ; i mezi aerei sò intarvinuti quì dinò.
