Plusieurs incendies volontaires cette nuit à Ajaccio
(A redazzioni d'Alta Frequenza) - Fochi di vitturi stanotti (da luni à marti) in Aiacciu. Trè veiculi sò stati distrutti da i fiammi vicinu à u palazzu Méditerranée. Dopu à què, a facciata di issu stessu palazzu hè stata tocca da u focu è annigrita nant'à guasgi 9m2, sicondu a prifettura di Corsica. Ùn si sà ancu s'è una sola vittura duvia essa tocca, l'altri essendu stati vittimi solu di a sparghjera di i fiammi, o s'è trè fochi pricisi sò stati accesi. Ciò chì hè assicuratu da i servizii d'investigazioni hè chì u focu hè d'urighjini vulintaria. Un altru sinistru hè statu signalatu à i spinghjifochi ind'u quartieru Saint-Jean, sempri in Aiacciu. Hè torna una vittura chì hè stata distrutta. L'urighjini saria quì dinò criminali. I spinghjifochi si sò dunqua mossi tutta a nuttata da ammaistrà issi sinistri. Un'inchiesta hè stata aparta.
Sur le même sujet
