Plusieurs incendies en Haute-Corse
(A redazzioni d'Alta Frequenza) - Parechji fochi sò partuti in Corsica Suprana ssu sabbatu. Prima, in fin di matinata, dui fochi sò nati vicinu à u lavu di e Padule, in Oletta. Dopu à l'intarvinzioni di i spinghjifochi è di Canadair, sò stati ammaistrati dopu avè parcorsu quattru ettari. Un antru focu hè partutu stavolta in u quartieru d'Agliani, à u meziornu di Bastia, versu quattru ori. Vicinu à casi, quissu quì hè oramai fissatu da i spinghjifochi mandati sopralocu, dopu avè parcorsu un ettari è mezu. Terzu episodiu stavolta in Pancheraccia, vicinu à Aleria, induva, sempri à 4 ori, un focu hè partutu in bor'di a strada dipartimintali. Par avà, spinghjifochi è Pélican sò mubilizati pà pudè ammaistrà ssu focu di machja grossa chì hà dighjà parcorsu parechji ettari.
Sur le même sujet
