Pluie et orage : vigilance orange en Corse jusqu'à demain 05H00
(A redazzioni d'Alta Frequenza) - A Corsica hè sempri in vigilenza aranciu, è quissa quì cuntinuarà fin'è dumani (marcuri) 5 ori. A prifettura di Corsica priciseghja di fattu chì i cumuli di forti intensità sò aspittati. A Costa Urientali, i lati à Livanti è i monti di l'isula sò particularmenti tocchi da iss'episodiu d'acquati è di timpurali. L'acquati sò aspittati dinò, da 70 à 100 mm in più, pudendu ancu cullà fin'è 200 è 250 mm à a fini di l'episodiu, dinò nant'à a costa, frà altru nant'à un settori da u Capu di Pertusatu fin'è Aleria. Torna una volta, i servizii di succorsi racumandani a più grandi prudenza.
Sur le même sujet
