Plan sur les déchets de la CDC : Des évolutions positives mais insuffisantes pour le SYVADEC
(A ridazzioni d'Alta Frequenza) - U SYVADEC hà fattu cunnoscia a so pusizioni in lu cartulari lli rumenzuli, par ciò chì tocca à u raportu ch’idd’hà da prisintà ghjovi, à l’Assemblea di Corsica, a maiurità tarrituriali. U SYVADEC « saluta i cambiamenti in pusitivu di u pianu novu, è spicialmenti i misuri pruposti da affiancà l’intercumunalità ». Accunsenti dinò à « u trattamentu pruvisoriu, for’di Corsica, d’una parti lli scarti ». Eppuri, dici u sindicatu, « ùn basta iss’evuluzioni, quand’iddi si vidini i capacità di trattamentu dispunivuli oghji in Corsica ». Da sicurizà u trattamentu lli scarti chì fermani, u scagnu llu SYVADEC pruponi di scriva, in u ducumentu, a nicissità di rializà « à u minimu dui centri d’accuzzera, è di metta in anda à parta si da u 2019 u trattamentu fora di Corsica d’una parti lli scarti, à titulu pruvisoriu. Incù issa vista chivi, u scagnu llu SYVADEC dumanda à l’assemblea di Corsica d’intigrà, in u so pianu d’azzioni, a presa in carica di u suprappiù ch’iddi custarani u cundiziunamentu è u trasportu marittimu lli scarti.
Sur le même sujet
