Plan Salvezza : dialoguer en mettant les égos de côté seule solution pour Jean-Charles Orsucci
Eccu un’altra riazzioni à u ricusu ch’iddu hà uppostu à u pianu « Salvezza » u prisidenti francesu : quidda di Jean-Charles Orsucci, capifila di « Andà par Dumani » è membru di « En Marche ».
Par iddu, chì susteni à macron ch’hè dighjà un pezzu, ancu puri ùn issendu ghjusta in tuttu l’analisi llu prisidenti lla ripublica, ci voli à essa più ghjusti fighjulendu a forma. À senta à Jean-Charles Orsucci, macron faci capì chì u statu hè attenti quantunca, via l’arichji llu prifettu, è ch’iddu hè prontu à cambià u so pusiziunamentu par casu ch’iddu sichi insignatu, di manera chjara, un sbagliu in u so raghjunamentu.
U merri di Bonifaziu dici chì a sola suluzioni pà Gilles Simeoni hè di lacà corra issi liti tinti d’urgogliu, è d’essa rispunsevuli, andendu à discorra cù u prifettu è ancu cù jacqueline gourault, a ministra francesa lli tarritoria. Eccu chivi i dui intarlucutori insignati da u prisidenti francesu.
Steti à senta à Jean-Charles Orsucci.
Sur le même sujet
