Plan d'actions déchets ménagers : un vote et des attentes
(A ridazzioni d'Alta Frequenza) - I dibattiti sò stati longhi in i cumissioni, è sò stati parichji l’amindamenti. Ma vennari, à 8 ori è mezu lla sera, l’assemblea hà vutatu u Pianu d’Azzioni pà u scartu lli rumenzuli casani, prupostu da l’esecutivu lla Corsica pà u periudu 2018-2021. Hè stata a sola maiurità tarrituriali à vutà issu pianu. Jean-Charles Orsucci, à nomu di « Andà par Dumani », hà dittu chì l’astinzioni llu so gruppu valia mani tesa da travaddà cù l’esecutivu à a riescita d’issu pianu, ancu sè certi volti i punti di vista poni cambià à veru. U gruppu « La Corse dans la république » si hè astinutu ancu iddu : Pierre Ghionga hà dittu chì, ancu par essa ci punti cumuni com’è u ricusu lla brusgera, ci sò diffarenzi à veru, masimu par ciò chì tocca à u scopu datu à l’ECPI. Infini, u gruppu « Pà l’avvena » hà vutatu contru. Pà Xavier Lacombe, l’esescutivu ùn hà presu in contu micca i rimarchi llu SYVADEC o di l’ECPI, veni à dì i cumunità di cumuni. Pà issu gruppu, in casu di fiascu, u pinseri lli rumenzuli sarà à veru una somma ch’iddi carriariani l’ECPI.
François Sargentini
Sur le même sujet
