Perturbation météo en prévision en Corse
(A redazzioni d'Alta Frequenza) - A Prifettura di Corsica faci sapè chì un risicu di gattivu tempu hè annunziatu à partasi da dumani (vennari) in fin di ghjurnata, è duranti tutta a dumenicata. À u prugramma, acquati forti nant'à u latu à punenti di a Corsica Suttana, ma dinò un ventu viulenti è marosuli impurtanti. À partasi da dumenica, issu disturbu hà da inghjinnà una calata significativa di i timperaturi, cù pussibuli nivati à partasi da 600 fin'è 800 metri. A più grandi prudenza hè dunqua racumandata, è di fà assai casu pà qualsiasi spiazzamentu.
Sur le même sujet
