Paul Giacobbi fait le bilan de ses 15 années en tant que député de la Corse
(A redazzioni d'Alta Frequenza) - 15 anni di un travaghju senza piantà ! Eccu com'ellu si pudaria riassuma u bilanciu di l'attività parlementaria di Paul Giacobbi, chì u diputatu attuali di a siconda circuscrizzioni di Corsica Suprana, chì ùn si raprisenta micca, hà prisintatu ssu marcuri in i so lochi di Venacu. Mentri ssi 15 anni, avarà difesu parechji cartulari maiò. In Corsica prima, cù a riforma di i stituzioni, i reguli fiscali, cù frà altru l'arrestatu Miot è a fiscalità dirugatoria nant'à u tabaccu, è di manera più larga a difesa à tempu di u principiu d'egualità è di u dirittu à a diffarenza di l'isula. À u nivellu naziunali è internaziunali dopu, cù a gistioni di a crisa mundiali di u 2007, o ancu un'azzioni diplumatica dinamica nant'à tutti i cuntinenti, frà altru in Asia è soprattuttu in India, ma dinò a difesa di i fruntieri marittimi francesi. D'appressu à Paul Giacobbi, ssu bilanciu hè pà "dà un'idea di ciò ch'ellu hè un veru parlementariu chì conta appena". Saria pà mustrà parchì micca a strada à certi candidati in corsa nant'à a so circuscrizzioni chì t'ani più o menu i listessi idei pulitichi o chì u diputatu attuali voli bè simpliciamenti à u nivellu parsunali ?
Steti à senta à Paul Giacobbi.
Sur le même sujet
