Paul-André Contadini condamné à sept ans de prison
(A redazzioni d'Alta Frequenza) - Paul André Contadini hè statu cundannatu ssu marti da a corti d'appellu di Parighji à setti anni di prighjoni, cù una cundanna di sicurezza di i dui terzi, pà "associu di malfattori in leia cù un'intrapresa tarrurista". U militanti naziunalistu era statu arristatu ramintemula di dicembri di u 2012 da a dugana versu L'Isula cù, sicondu a ghjustizia, sustanzi incendiari è/o splusivi in recidiva. Si tratta quì di a terza cundanna pà Paul André Contadini, avvicinatu pocu fà in Borgu, cundannatu una prima volta à quattru anni di prighjoni, eppo à cinqui anni in appellu è dunqua à setti anni dopu una cassazioni pà ssu principiu di sittimana. In un cumunicatu, l'Associu Sulidarità qualificheghja ssa sintenza di "manifistazioni di una vindetta ghjudiziaria chì ùn hà micca a so piazza in una ghjustizia demucratica". Una dicisioni chì hè un "scandalu [è chì] hè stampa da una vulintà vera d'accanimentu contr'à ellu, pà falli pagà par asempiu a so lotta leghjittima è riesciuta cù à mezu parechji grevi di a fami, pà fà rispittà infini u so dirittu à l'avvicinamentu famigliali", cuntinueghja l'associu.
Sur le même sujet
