Le Direct

Patrimoniu-Conca d'Oru-Saint-Florent obtient le label Grand Site de France

(A redazzioni d'Alta Frequenza) - L'annunziu hè statu ufficializatu ssu ghjovi in principiu di dopu meziornu : Patrimoniu-Conca d'Oru-San Fiurenzu hà uttenutu u label Grand Site de France. Hè a ministra di l'Ambienti, Ségolène Royal, chì l'hà dichjarata nant'à u so contu Twitter. Ssi tarri di u Nebbiu raghjunghjuni dunqua u Mont Saint Michel, u Pont du Gard, a Camargue o ancu a Baie de Somme, è guasgi una dodecina d'altri siti in Francia. Un label pà sei anni è chì tocca l'eccelenza in tarmini di sviluppu turisticu è ecunomicu in armunia cù l'ambienti. Pudaria parmetta di fà passà a fraquintazioni turistica da 500 000 à un millioni di parsoni ogni annu, ancu s'è una dodecina di millioni d'auri d'investimenti sarani nicissarii par investiscia ind'a valurisazioni di u patrimoniu chì asisti. Una bunissima nutizia in a perspettiva di una priservazioni più forti di ssi tarritorii.