Pas d'accouchement à la clinique de Porto-Vecchio durant ces 4 jours
Parvia di u Covid, a clinica di Portivechju t’hà calchì pinseri par ciò chì tocca à i risorzi umani. Tandu, à l’ARS, l’hè tuccata à metta in anda un dispusitivu à posta da piddà in carica i donni chì erani privisti pà apparturì chivi, pà i quattru ghjorna à vena.
Sò stati mubilizati risorzi in tutta a Corsica da lacà aparti u SAU è a maternità.
Eppuri, ùn ci si pudarà apparturì pà issi quattru ghjorna.
I cinqui donni ch’erani privisti chivi issa sittimana sò stati avirtuti, è mandati versu i maternità d’Aiacciu o Bastia.
I boni donni libarali, i ginecologhi lli circonda è i sirvizia di i succorsi sò stati avirtuti d’issa riurganisazioni pruvisoria.
Sicondu i casi, i donni incinti di i circonda pudariani essa cuntattati da u medicu o da a bona donna chì l’ani in carica, da ch’iddi poschini scedda prestu a so maternità.
Par casu chì vo’ t’achiti calchì chistioni, vi s’arricumanda di chjamà a squadra midicali chì vi suveta innanzi di mova versu una di i maternità, o di chjamà u 15 in urgenza.
Sur le même sujet
