Parking Campinchi: la vérité du PNC
(A redazzioni d'Alta Frequenza) - Parking Campinchi ! Tutta a pupulazioni, è què aldilà di a simplici raprisintazioni pulitica passata o prisenti in Casa Cumuna, aspetta una dicisioni di u Statu. Ramintemi chì à partasi di u lindumani di l'alizzioni municipali, è ghjustu nanzi l'uparazioni pà smuntà u quai Nabuliò, Laurent Marcangeli hà dicisu di suspenda i travaghji. Dopu à parechji riunioni intrapresi cù tutti l'attori cuncirnati, hà dicisu di lampà una chjama à u Statu à u nivellu di a classifica di ssu situ archeulogicu. A nova municipalità aiaccina darà più tardi una pusizioni dopu avè presu cunniscenza di ssa dicisioni è què, hà dittu Laurent Marcangeli, à u benefiziu di a cunservazioni di u situ è di l'intaressu finanziariu di tutti l'aiaccini. Tocca dunqua oramai à u Statu à dà a so dicisioni postu chì a seguita di l'evuluzioni di ssu cartulari ni dipendi. Sempri cuncirnendu u listessu affari, u PNC hà parlatu largamenti di ssa quistioni duranti a so assemblea ghjinirali di sta sittimana. Ind'una lettara di u 19 di ghjunghju, u muvimentu puliticu dumanda di sapè ni di più à Laurent Marcangeli pà ciò chì tocca ssu cartulari difficiuli. U PNC ùn sà micca chì sarà l'evuluzioni di ssu cartulari, ma t'hà in tutti i casi a so verità.
Steti à senta à Jean François Casalta.
Sur le même sujet
