Parking Campinchi à Ajaccio : le sentiment de François Casasoprana
(A redazzioni d'Alta Frequenza) - Parchì impenseriscia si pà vechji petri chì impidiscini u sviluppu di a cità ? Ùn sò micca i parolli esatti di Nicolas Alfonsi, ma hè u sensu di a so pinsata è hè ciò ch'ellu hà dittu à u prifettu di Corsica duranti a ghjunta di quissu quì davanti u Cunsighju Ghjinirali di Corsica Suttana. Ssa visioni di i cosi hè stratta ben intesu da un cuntestu ghjinirali di a vita amministrativa, è ss'affari hà inghjinnatu una risposta di u prifettu di Corsica. Nisun rivelazioni putentissima da a parti di u rispunsevuli u più altu di u Statu inde l'isula chì hà ripitutu solu ciò ch'ellu avia dittu calchì ghjornu fà u DRAC di Corsica. U Statu pighjarà bè una dicisioni annant'à a classifca o micca di u square Campinchi in Aiacciu, è dopu à ssa dicisioni si farà o micca a seguita di u cantieru di u parking.
Steti à senta à François Casasoprana, cunsighjeru ghjinirali d'Aiacciu III è oghji cunsighjeru municipali d'uppusizioni annant'à un cartularichì hà fattu nascia parè sfarenti duranti l'ultimi municipali.
