Padduc: un engagement politique et militant pour Josette Risterucci
(A redazzioni d'Alta Frequenza) - U Padduc hè, o sarà, un Padduc di donna ? A dumanda, chì pudaria suprenda più di una parsona, ùn hè micca cusì scema. À u mumentu chì a riforma di i cantoni faci nascia di più in più scuntintezza, è micca solu pà ciò chì tocca l’urganisazioni, si senti ricullà, suventi cù una certa irunia, critichi nant’à a parità donna è omu ind’a nova legi. L’assemblea di Corsica hà trapassatu dipoi un pezzu ssa quistioni vechja parchì u Padduc sarà, à maiò parti, natu da ciarballi feminili. Maria Giudicelli, di sicuru, ma dinò tutta a so squadra, custituita soprattuttu di donni ghjovani furmati à l’università di Corsica, ani imaghjinatu, cuncipitu è sintetizatu un ducumentu di una cumplessità incridibuli. A donna corsa hà presu tutta a so parti ind’a difinizioni di a Corsica di dumani ? Tutti l’eletti donni ch’è no emi intarrugatu ani avutu a listessa riazzioni : ani propiu rilativizatu a so cundizioni di donna. Pà Josette Risterucci, di u gruppu Front de Gauche, un impegnu puliticu ùn si prisenta micca solu à u maschili nè à u feminili ma unicamenti à u nivellu di l’impegnu militanti.
A stemi à senta.
Sur le même sujet
