PADDUC : quid des résidences secondaires aux occupants fantômes ?
(A redazzioni d'Alta Frequenza) - Duranti a sissioni strasurdinaria cù u CORECODES, ssu marti in Bastia, Gilles Giovannangeli, chì hè u direttori di BGE Ile Conseil era prisenti. Ma quand'ellu hà presu a parolla dopu à a prisintazioni ditagliata di u prughjettu di PADDUC, quissu quì hà presu piuttostu a funzioni di merri di Lecci. Una cumuna chì, sicondu i so sciffri, t'hà nant'à u so tarritoriu 65% di residenzi sicundarii. A so spirienza di primu magistratu li faci dì chì ssi residenzi sò guasgi micca o micca occupati da i so pruprietarii, chì prifiriscini piuttostu appighjunà, è què suventi di manera clandestina, s'è no pudemi dì cusì. Di fattu, par ellu, aldilà di u prublema più glubali di l'impurtanza di l'occupazioni di u tarritoriu da ssi residenzi, si poni u prublema di a percezzioni di a tassa di sughjornu.
Steti à senta à Gilles Giovannangeli.
