PADDUC : beaucoup trop d'idéologies dans le document selon Camille de Rocca Serra
(A redazzioni d'Alta Frequenza) - 35, 6, 4, 6 : sò i sciffri impurtanti di u votu di stamani, appena nanzi à dui ori, chì ani datu u ritimu di u dibattitu annant'à u prughjettu di PADDUC chì manda ssu cartulari oramai davanti à l'inchiesta publica. Dopu à quissa quì, à capu di un mesi, o ancu di dui, ssu PADDUC vultarà davanti à l'assemblea di Corsica pà pudè essa vutatu, s'ellu hè u casu, un'ultima volta. Dopu à u ritiru di u PADDUC prisintatu da l'anziana squadra dirighjenti di a CTC, a Corsica t'avarà infini, è dopu à guasgi 30 anni, un ducumentu di prugrammazioni chì hà da difiniscia un sviluppu ecunomicu, suciali è culturali chjaru. U dibattitu di stanotti ùn hè micca statu pà daveru un remake di quillu di u 31 d'uttrovi. In fatti, di vaghjimi, u prughjettu di PADDUC avia racoltu 38 voti, è si custata oghji una piccula perdita. Spiecazioni di un votu menu impurtanti di pettu à calchì mesi fà, a pusizioni di a diritta. Ramintemi ch'ella ùn avia micca participatu à votu di vaghjimi pà ciò chì tocca tuttu u cartulari, mentri chì stavolta, sei di i so membri ani vutatu contr'à u ducumentu. Un votu spapersu dunqua pà u gruppu liberali ghjustificatu, d'appressu à Camille de Rocca Serra, da inchietudini annant'à a securità ghjuridica di u ducumentu. Ci sò troppu ideulugii ind'u ducumentu, sicondu ellu.
U stemi à senta.
Sur le même sujet
