PAC : la réunion au ministère de l'Agriculture peu fructueuse aux yeux des acteurs corses
Photo : Cheick Saidou
Più di trè ori di riunioni, è fatta fini pochi affari. Eccu u sintimu ch’iddi spartini eletti è agricultori corsi, dopu à i discussioni cù Didier Guillaume, u ministru di l’agricultura, è cù i so squadri. L’ughjittivu era di circà à appacià a situazioni, dopu chì 900 agricultori isulani sichini stati privi di l’aiuti aurupeani ch’iddi tuccaiani sinu ad avali.
Ma ùn hè privista l’annulazioni, mancu in parti, d’issa misura, nè mancu un fundu d’aiutu pruvisoriu.
U ministeru di l’agricultura ùn annuncia chè issi trè misuri :
- una riapartura, senza cundizioni, di u periudu chì permetti di cuntistà un cuntrollu fotografficu, cù ghjustu un ricorsu via currieri o currieri elettronicu, sinu à u 20 di nuvembri llu 2019.
- Una dumanda à l’ASP di rinfurzà à veru a squadra di i cuntrulladori, da fà à u più prestu visiti di tarrenu
- A missa in anda d’una cellula d’urgenza, da accumpagnà l’agricultori missi in difficultà da issu ritiru di l’aiuti (cuurdinazioni MSA, banchi, midiatori di u creditu, assicuranzi)
Sur le même sujet
